Menadžer Liverpoola Jurgen Klopp tvrdi da je to to što se tiče pojačanja za Redse ovog ljeta.
Premier liga kreće sutra, a Redsi u prvom kolu gostuju Norwichu. Bivši engleski prvak doveo je samo stopera Ibrahima Konatea, dok je iz ekipe otišao Wijnaldum i to kao slobodan igrač u PSG.
„Ljeto je, prelazni rok je, svi očekuju neke nove igrače. Vidjećemo šta će se dogoditi. Hajde da pogledamo naš sastav. Želim li novog beka? Novog golmana? Tu već imamo dobre igrače. U sredini imamo iskusne fudbalere poput Tiaga, Fabinha, Hendersona, Chamberlaina i Keite”, rekao je Klopp, pa je dodao:
“Uz njih i talentovane Eliota i Jonesa. U napadu, tu su Mane, Firmino, Salah, Joa, Minamimo i Origi”.
Ostaje da se vidi hoće li i ovakav sastav Liverpoola biti konkurentan ostalima u borbi za titulu.
